MARIS

MARIS БРЭНД

• МШ-хк нь 1993 онд байгуулагдсан. 121 ажиллагсадтай, 14000 м2 үйлдвэрийн байгууламжтай. Ветблю, краст, финиш хийх тоног төхөөрөмжтэй. Хоногт 4000ширхэг хонь, ямааны арьс 1000ширхэг үхэр сарлагийн арьс боловсруулах хүчин чадалтай.

• Хагас боловсруулсан арьс ширийг Итали, Турк,Орос,Франц, Хятад,Солонгос,Япон, Вьетнам улсууд руу экспортолдог бөгөөд, мөн дотоодын зах зээлд гүн боловсруулсан арьс шир болон савхин хувцас үйлдвэрлэж нийлүүлдэг юм.

• Манай хамт олон 2015 оноос эхлэн өөрсдийн боловсруулсан арьсаар цүнх болон жижиг эдлэл үйлдвэрлэж эхлэсэн бөгөөд 2016 оноос “Maris” брэнд нэрээр үйл ажиллагаа эхэлсэн билээ.

• “Maris” брэнд нь 2017 оны 12р сараас үйл ажиллагаагаа идэвхжүүлж, одоогийн байдалаар өөрийн нэрийн 3 дэлгүүрийг нээгээд байгаа бөгөөд хэрэглэгчид, худалдан авагчдад маш хурдацтай танигдаж байгаа үндэсний брэнд юм.

• Бид бараа бүтээгдэхүүн,үйл ажиллагаагаа танилцуулах зорилгоор яам,дүүргээс зохион байгуулагддаг үзэсгэлэн худалдаануудад тогтмол оролцдог билээ.

Цүнхний арьсыг экологит халгүй, хэрэглээний эрүүл ахуйн шаардлагыг бүрэн хангасан, ургамлын идээлгийн технологиор боловсруулсан болно.

Монгол шевро ХК-ийн арьс нь Монгол нүүдэлчдийн бэлтгэсэн, бэлчээрийн малын арьсаар боловсруулагдсан дээд зэргийн уян хатан бат бөх шинж чанартай.

Арьсан дээрх зарим байгалын гэмтэл, судасны судал, үрчлээ зэрэг нь энэхүү арьсны натурал чанарыг илтгэж дахин давтагдашгүй болохыг илэрхийлнэ.

Энэ цүнх нь бэлчээрийн малын арьсыг байгалын гаралтай ургамлын идээлгээр идээлж таны хэрэгцээнд нийцүүлэн сэтгэл шингээж хийсэн болно.

Арьс нь байгалын бүтээгдэхүүн учир нойтон чийглэг эсвэл хэт халуун нөхцөлд хадгалж болохгүй. Норсон тохиолдолд хуурай алчуураар сайтар арчиж өрөөний хэмд хатаана.